Assam-Manipur border-a inkahna thlengah mi 1 hliam

Assam leh Manipur inrinaah Thawhlehni khan inkahna a thleng a, mi pakhatin hliam a tuar. Hliam tuar hi Silchar-a Silchar Medical College and Hospital (SMCH)-ah dah a ni.

Inkahna hi chhun dar 11 velah, Manipur-Assam ramri, Jirighat police station hnuaia Chamtilla area-a thleng a ni.

Assam police-te chuan Chamtilla area-ah hian NSCN-IM helpawl member 10 kalin, khaw chhung mite chu sum pe tura phutin, anni hian an lo hnial chu an kap ta mai niin a sawi. Hliam tuar pakhat awmin, silai mu pahnihin a fuh a, mahse damdawi-inah hruai nghal niin a ngaihtuahawm lo niin a sawi bawk.

Inkahna thlenna hmunah hian Cachar district olice officer-te an kal nghal a, SP Ramamdeep Kaur pawh a tel a ni. Tualchhung mite kawmin thil thlen dante an zawtchiang a ni.

NSCN-IM hian khawchhung mipuite hnen aṭang hian chhiah an laksak fo ṭhin a, tun hnaiah an chhiah phut zat hi an tisang a, hei hi tualchhung mite chuan an lo sawisel nia sawi a ni. Thawhlehnia thil thleng pawh hian an sum phut ang pe tura mipuite an vauna atana tia hriat a ni bawk.