ADB-in Assam Skill University dinna tur loan pek remti

Asian Development Bank (ADB) chuan Assam Skill University (ASU) dinna atan loan USD maktaduai 112 pek a remti.

ADB senior education special for South Asia Asoko Maruyama chuan thuchhuah siamin, skill university kaltlang hian skill education leh training ṭha tak pek a ni thei dawn tih a sawi. He project hmang hian ṭhalaite chuan an theihna leh thiamna kawngah hmasawnna nasa tak an neih theih phah dawn a, hna ṭha leh hlawh sang zawk pawh an neih theihna tur a siamsak dawn a ni, a ti.

ADB-in loan a pek bakah, he university inrelbawlna leh technology ṭha leh chankang zawk hmanna turin Japan Fund for Poverty Reduction chuan grant, USD maktaduai khat a pe dawn bawk a ni.