Meghalaya-in tourism tihchangtlunna turin Japan agency aṭangin Rs vbc 700 a dawng

Meghalaya chief minister Conrad K Sangma chuan an state-a tourism sector tihchangtlun leh hmasawnna turin Japan International Cooperation Agency (JICA) aṭangin cheng vaibelchhe 700 an dawng tih a sawi.

Sum an dawnte hi Khasi leh Garo Hills region tan cheng vaibelchhe 350 ve ve ruahman a nih thu a sawi bawk.

Chief Minister hian West Garo Hills district-a Nokrek Biosphere Reserve-a Tourism Department eco-resort siamna tur lungphum a phumnaah he thu hi a sawi a ni. Eco-resort siam tur chu hmarchhak biala tourist resort ṭha ber zinga mi a ni dawn tih sawiin, he project atan hian cheng vaibelchhe 23 dah a nih thu leh, kum khat chhunga zawhfel hman tum a ni tih a sawi bawk.