AP: CM in Arunachal-a NCC hmasawnna turin official pawimawh te hmu

Arunachal Pradesh Chief Minister Pema Khandu chuan Thawhlehni khan National Cadet Corps (NCC) top offi­cial-te chu meeting a neihpui.

Pema Khandu chuan Arunachal-ah NCC hi hma a sawn a, a huang a zauh theihna turin NCC top official-te hi meeting a neihpui a ni.

Hmarchhak-a NCC Addi­tional Director General Major General Raju Chauhan chuan NCC offical team te hi a kaihruai a ni.

Chief Minister chuan meeting-ah hian Indian Military Cadet Corps-te chu state chhunga higher secondary school zawng zawnga unit an neih theihna tur kawng a zawng a, Pasighat-a 22(I) Coy -te chu battalion puitlinga suan an nih theih chuan school-a unit din kawngah hian nasa takin a pui dawn a ni, a ti.

Itanagar-a NCC Gerneral Headquarter a hran din chuan state chhunga NCC-te thupek leh enkawlna kawngah awl­samna a siam dawn nia sawiin sor­kar laipui pawh hemi kawnga hma la tura a duh thu a sawi.

CM chuan ramchhung-a ramri awm zawng zawnga Indian Military cadet corps dah chu Prime Minister Narendra Modi hmathlir a nih thu a sawi bawk.

NCC offical-te chu Aru­nachal chu sum leh pai mai bakah infrastructure leh a tha ang zawng pawha puih an inhuam thu a hrilh bawk a ni.