Chidambaram-a'n hmarchhaka anti-BJP party-te thawkho turin ngen

Congress hruaitu hlun leh Rajya Sabha MP nilai, PA Chidambaram chuan hmarchhak biala anti-BJP party-te chu inlungrual a, thawkho turin a ngen.

Chidambaram hian Ningani khan Assam Pradesh Congress Committee (APCC)-in Guwahati-a state-level training camp an buatsaih a hmanpui a ni. An hun hman karlaka media miten an kawmnaah he thu hi Chidambaram chuan a sawi a, "National level leh state level inthlana BJP hi paihthlak kan duh chuan, hmarchhak biala anti-BJP party-te hi an thawhho a ngai a ni," a ti. Non-BJP front-ah eptu party-te hi an tel duh lo a nih chuan, mipuite chuan hmarchhak biala BJP duh lotu intite chu an insawi ang an ni lo tiin an ringhlel zawk mai dawn a ni tiin a sawi.

Union minister hlui Chidambaram chuan, "Hmarchhakin hmasawnna chak zawk a neih theihna turin political party hrang hrangte chuan kalphung nghet tak an nei tur a ni," a ti. Tun hnaia hmarchhak biala Congress party dinhmun tlakhniam chhan chu an party hruaitu zingah party kalphung zawh duh lo an awm vang niin a sawi bawk.