Cairn-in Assam Gas Company hnenah SCMD gas hralh dawn

Cairn Oil and Gas chuan Assam sorkar hnuaia Assam Gas Company Ltd (AGCL) hnenah an state-a semchhuah turin natural gas, standard cubic meters per day (SCMD) nuai khat a hralh dawn tih a puang.

Company pahnihte hian Ningani khan Guwahati-ah inremna an ziak a, he hun hi Assam industries and commerce minister Chandra Mohan Patowary-a'n a hmanpui a ni.

AGCL managing director Gokul Chandra Swargiyari chuan private oil company nena an thawhdunna chuan Assam-in energy a hmuh theihna tur kawng ṭha zawk a hawnsak thei dawn a, state chhunga industry tam tak, a bikin tea estate-ten hei hi an hlawkpui thei dawn a ni, a ti. "AGCL hian state chhunga khawpui zawng zawngah kum rei lote chhungin natural gas hi pipe hmanga supply theih kan tum a ni," a ti.

Cairn Oil & Gas Deputy CEO Prachur Sah pawhin thu sawiin, Assam sorkar an thawhpui tur chu lawmawm a tih thu leh, hei hian state tan hmasawnna pawh a thlen ngei a beisei thu a sawi. Cairn hian kum khatah gas a siamchhuah, million metric standard cubic meters (MMSCM) 1,700 ni mek chu kum 2026-ah 4,700 MMSCM-ah tihpun an tum a ni.