Sikkim-in Dec 31 thleng khuahkhirhna pawtsei

Sikkim sorkar chuan Omicron variant darh tur venna atana khuahkhirhna a siamte chu December 31 thleng a pawtsei.

Ningani khan state home deparment chuan thuchhuah siamin, hri darh tur venna atana an state-a khuahkhirhna an hman mek chu pawhsei a nih thu a sawi a ni. He khuahkhirhna siamah hian Sikkim-a kal turte chu kum 18 chunglam chu Covid-19 vaccine dose khatna tal la an ni tur tih a ni. Vaccine la lo an nih chuan Sikkim an thlen hma darkar 72 chhunga RT-PCR negative report an neih a ngai thung. Khualzinte chuan an thlenna hotel pawh an tarlan zel a ngai dawn a ni.

Sikkim-ah ramdang mi khualzinte luh khap a ni a, mahse Nepal, Bhutan leh Bangladesh aṭanga lut, India ram chhung hmun danga ni 7 chuang lo awm tawhte chu RT-PCR negative report an neih chuan an kal phalsak an ni ang.

Pub, cinema hall leh intihhlimna hmun dangte chu 50% seating capacity-a hawn phalsak an ni a,ei siamna hmunte pawh 50% capacity-a hawn phalsak an ni bawk.