Tripura-in Film and Television Institute nei dawn

Tripura information and cultural affairs minister Sushanta Chowdhury chuan state sorkarin film and television institute din a tum tih a sawi.

Hemi chungchang hi Kolkata-a Satyajit Ray Film and Television Institute hotute leh information and broadcasting ministry pawh an sawipui tawh tih a sawi bawk. Union minister chuan a phurpuiin, a theih anga lo puih a inhuam thu a lo hrilh niin Chowdhury chuan a sawi a ni.

Chief minister Biplab Kumar Deb pawhin film and television institute din hi a remtihpui a, chief secretary hnenah a ṭul anga hma la turin a hriattir a ni. Chief secretary hian finance deparemtent-ah file pawh thehlut tawhin, finance department-in an pawmpui thuai a beisei thu leh, nakkumah institute hi din hman an beisei thu minister chuan a sawi.