Tripura zirlaite'n 'Black Day' hmang

Twipra Students Federation (TSF) chuan kum khat liam taa Citizenship (Amendment) Bill duh lohna lantira nawrh huaihawtte lam hawia police-te silai hmehpuah a nih champha, Nilaini kha state pumah 'Black Day' an hmang. 

Nikum January 8 khan CAB duhlohna lantira Tripura Tribal Areas Autonomous District Council (TTAADC)-a TSF nawrh huaihawtte chu West district police-te chuan silaiin an kap nia sawi a ni. Silai hmehpuah a nih vang hian mi tam takin hliam an tuar nia sawi a ni bawk. 

TSF general secretary Sunil Debbarma chuan nikum January thlaa  nawrh an huaihawt dawn khan phalna pawh an nei vek tih a sawi. Boruak ṭha hnuaiah nawrh hi an huaihawt laiin Tripura States Rifles (TSR) te chuan silai an hmetpuak tih a sawi. Hliam tuarte phurtu ambulance chu sua­sam zui a nih bakah, police-te chuan motor aṭang hian an thehchhuak zui a ni, a ti. Hei vang hian he thil thlen ni, January 8 hi Black Day-ah a puang ta tih a sawi.

Debbarma chuan hemi nia thil thleng chungchangah state sorkar chuan tun thlengin hetihlaia west dis­trict superintendent of police Ajit Pratap leh Jirania sub-divsional magistrate-te chung­ah action a la  lo tih sawi­in, heng mite hi silai hmet­puak tura thupetute an ni, a ti.