Meghalaya-ah Atomic Mineral Division-ten beih tawk, pathum hliam

Meghalaya-a South West Khasi Hills district-a Wahkaji khaw bulah Nilaini khan Atomic Mineral Division (AMD) te chuan beih an tawk a, mi pathumin hliam an tawrh bakah an chuanna lirthei pahnih tihchhiatsak an ni.

South West Khasi Hills district Deputy Commi­ssioner Isawanda Laloo chuan Wahkaji hi district headquarters aṭangin km 140 vela awm a nih thu a sawi a, Uranium laihchhuahna hmun enfiah tura kal AMD team te hi misual tu tih hriat loh ten an lo bei tih a sawi.

Laloo chuan bolero pakhat leh jeep pakhat chu tihchhiat a nih thu a sawi.

Hliam tuarte chu Mawk­yrwat Community Helath Centre (CHC)-ah hruai nghal an nih thu a sawi a, thuneitu lam pawh inbeihna thlenna hmun enfiah tur hian an kal nghal thu a sawi bawk.

Wahkaji hi hmun pawi­mawh tak a ni a, uranium lakchhuah duh lotu hi an tam hle a, AMD leh Uranium Corporation of India Limited (UCIL) pawh sawisel tu an tam hle a ni.