Meghalaya-ah mi panga electric man vangin thi, Assam mi pali awm
Meghalaya-a North Garo Hills (NGH)-a Miapara thingtlang khuaah Nilaini tlai dar 4.30 khan electric in mi panga a man hlum a, thi zinga pali hi Assam mi an ni a, pakhat erawh hi chu NGH mi a ni thung.
Electric man vanga thi te hi kawngpui siama hna thawk te an ni a, kawng siamna khawl an hman chuan high tension wire a man fuh a, an khawl a man tel tak avang hian hnathawktu mi panga te hian an nunna an chan phah ta a ni. Midang pathum in hliam an tuar bawk a, heng hliam tuarte hi Goalpara-ah hruai an ni nghal a ni.
Police-te chuan hnathawktute hian khawl hi kawngpuiah an lum a, khawl hian HT wire (11KV) chu a su ta niin an sawi. Thil thleng dan kimchang hrefiah tur hian NGH police-te chu an hmunah hian an kal nghal a ni.