AAPSU-in Chakma-Hajong census nei turin sorkarin ni 15 hun pe

All Arunachal Pradesh Students' Union (AAPSU) chuan Inrinni liam ta khan state sorkar chu Chakma leh Hajong raltlan chhiarpui buatsaih turin ni 15 hun a pe tih a sawi.

AAPSU general secretary Tabom Dai chuan Chakma leh Hajong refugee chhiarpui neih tuma hmalakna chu December 7-a state sorkarin Prime Minister's Office aṭang lehkha a dawn hnuah an chawlhsan niin a sawi. Zirlai pawl chuan hei hi duh loin, pawn lam aṭanga nawrna lakah tlawm mai lo a, refugee chhiarpui neih tur chu kalpui turin an phut a ni.

Tabom Dai chuan state leilung fate himna leh humhalhna turin, Chakma leh Hajong raltlan awm zat chhiar fo a ngai a ni, a ti.

Chakma leh Hajong hnam chhiarpui neih tum a nih avangin Chakma Development Foundation of India (CDFI) chuan prime minister Narendra Modi leh RSS hotu Mohan Bhagwat-te hnenah lehkha thawnin inrawlh turin an lo ngen tawh a ni. Chhiarpui neih tum dan hi chi inthliarna niin an puh.