Assam sorkarin khua/veng hming thlak duh tan Rawtna thehluh hun hawnsak dawn

Assam-a BJP sorkar chuan khua, veng leh hmun hming dang thlak duhte tan rawtna an thehluhna tur portal a siam dawn.

He portal hi mipuiten hming thlak an duhte thehlut turin thla hnih chhung hawnsak a ni ang. Mipuite rawtna thehluh atang hian district tina deputy commissioner-te chuan hming thlak tur chungchangah thutlukna an siam dawn a ni.

Assam-a BJP-in sorkarna an siam tir lam khan prime minister hlui Rajiv Gandhi hming chu Orang National Park atangin a paih a ni. He park hi national park pasarih zinga pakhat leh, samak awmna hmun pathum zinga mi a ni. Rajiv Gandhi hming a paih chungchangah BJP sorkar chu insawifiahin, state chhunga Adivasi hnam ho ngenna vang niin a sawi.