Nagaland-ah district thar 3 siam belh dawn

Nagaland sorkar chuan district pathum siam thar a ni dawn tih a puang. Nikum khan district 12-na, Noklak district chu hawn a lo ni tawh bawk.

Inrinni liam taa state cabinet meeting-ah he thutlukna hi siam a ni. Cabinet meeting hi December 16-a neih tum kha a ni a, mahse sipaiten civil mi 14 an kahhlum avanga Eastern Nagaland-a lungawi lohna lantir a nih avangin Inrinniah khan an sawn a ni.

District pathum siam thar turte hi Tseminyu, Niuland leh Chumoukedima te an ni a, hengte nen hian Nagaland-ah hian district 15 a awm dawn ta a ni. Mahse district siam thar chungchangah hian state sorkar chuan official notification a la tichhuak lo.