Assam-ah NSCN(IM) hel pahnih man

Security force-te chuan Assam-a Tinsukia district-ah National Socialist Council of Nagaland (Isac Muviah) helpawl hruaitu  pahnih an man. 

Hel man zinga pakhat hi  self-styled Lt Col Rampong Hakhun, Johny tia sawi bawk a ni. Kum 2011 aṭang khan security force-ten man tuma an zawn tawh a ni. A thurualpui Koching Sangkey nen Malugaon-a buk pakhatah an man a ni. Security force-te chuan an kut aṭang hian pistol pahnih - 6mm leh 22mm bakah, silai mu, magazine pahnih, bag pakhat leh pawisa fai Rs 10,000 an man tel bawk. 

Hakhun hi Arunachal Pradesh-a Changlang leh Assam-a Tinsukia-ah a chetla ber a, tualthah, mi rukbo, pawisa chhuhsak leh mi vauna thubuai eng emaw zatah inhnamhnawiha puh a ni. NSCN(K) aṭangin NSCN(IM) ah a inpe a, Dimapur-ah  kum 5-6 kalta chhung vel kha a khawsa tawh nia sawi a ni.