Assam-a private college 26-te sorkar institution-ah hlangkai dawn

Assam chief minister Himanta Biswa Sarma chuan sorkarin provincialisation a kalpuina thawh khatnaah Bodoland Territorial Region (BTR)-a private college 26-te chu sorkar enkawlna hnuaiah dah an ni dawn tih a sawi.

All Bodo Students Union (ABSU) leh Bodo Sahitya Sabha (BSS) aiawhte nena meeting an neihah Chief Minister chuan he thu hi a sawi a ni.

Meeting zawha Chief Minister's Office (CMO) in thuchhuah a siamah, private college 26-te sorkar enkawlnaa dah an nih tur thu hi sawiin, Higher Education Deparment chuan heng college dinhmun, infrastructure leh faculty awm mekte qualification, thawktu lak thar ngaih leh ngaih loh chungchangte a enfiah dawn tih a sawi bawk. Thla ruk hnuah heng college hrang hrangte dinhmun ngaihtuahin meeting hi an nei leh dawn a ni.

CM Sarma chuan Udalguri-ah Bodoland University campus siam a nih tur thu a sawi bawk.