AP Governor-in an state tan High Court ngen

Arunachal Pradesh governor Brig (Retd) BD Mishra chuan union law minister Kiren Rijiju hmuin, Arunachal Pradesh tana High court puitling siamsak turin a ngen.

Kar liam taa New Delhi-a a zin ṭumin Governor Mishra hian Union Minister Rijiju hian hmu a, state mamawh dangte pawh a sawipui a ni. Governor chuan state chhunga kawng siam hna chak zawka kalpuina turah Union Minister hian puih a inhuam thu pawh a lo hrilh tih a sawi.

Court rorelna chak zawka kalpui a nih theihna atan an state-in High Court a neih chu a ṭul thu Governor hian a sawi a, hei hi mi harsa leh rethei zawk pawhin an chhawr thei zawk dawn a ni, a ti.

Hei bakah hian Trans Arunachal Highway siam hna thawk mek bakah, border area-ah kawng siam a ṭul thu te sawiin, inkalpawhna ṭha awm chu tualchhung miten an mamawh a ni, tiin Governor chuan a sawi bawk. Ramri chhehvela kawngpui ṭha tak siam a nih chuan, border area aṭanga khawpui lama pem luh tam ṭhin pawh a ziaawm phah a ring tih a sawi bawk.