Assam-ah CAA dodalna lantirtu mi 1,206 man an ni

Assam-a kum 2019 December thlaa Citizenship (Amendment) Act (CAA) dodalna lantir a nih ṭum khan ni 12 chhungin mi 1,026 man an ni a, an zinga mi 11 chu Unlawful Activities (Prevention) Act, 1967 hnuaiah thubuai siamsak an ni tih Thawhṭannia assembly inkhawmah tarlan a ni.

Chief minister Himanta Biswa Sarma chuan, kum 2019 December 9 -20 chhung khan CAA duh lohna lantirna buaina chhuaka police 88 leh civil mi 22-in hliam an tuar a, silai ṭum 25 hmehpuah a ni a, tear gas ṭum 15 leh tiang hmanga mi vuak ṭum 19 a thleng tih a sawi.

Independent MLA Akhil Gogoi zawhna a chhannaah CM chuan hei hi tarlangin, man zinga 11-te chu UA(P)A hnuaia thubuai siamsak an nih bakah, mi parukte chu National Investigation Agency (NIA) chhui chian tura tih an ni bawk, a ti.

State chhung hmun hrang hranga CAA dodalna lantir kaihhnawihah hian police-te chuan thubuai 406 an ziak lut a ni.

Nawrh hauihawtnaa tel zinga pathum chu police-te silai hmehpuahah an thi a, midang pakhat thi erawh chu khawi lam silai hmehpuah nge a tuar tih hriatchian a ni lo tih CM chuan a sawi. Nawrh huaihawtnaa thi chhungte leh hliam tuarte hnenah zangnadawmna pek an ni lo tih a sawi bawk.

Chief Minister chuan CAA vanga ram dang mi tumah Assam-ah an luh phah dawn lo tih a sawi.