Arunachal Pradesh Parliamentary secretary ten an hna chan dawn
Gauhati High Court Itanagar Permanent Bench in Arunachal Pradesh Parliamentary Secretaries (Appointment, Salaries, Allowances and Miscellaneous Provisions) Act 2007 chu ram danpui kalh nia a puan vangin Arunachal Pradesh Parliamentary secretary-te chuan an hna an chan dawn nia tarlan a ni.
Division bench, Justice Monojit Bhuyan leh Justice Rumi Kumari Phukon-te kaihhruai chuan Kyoda Ram-a public interest litigation file hearing an neih hnuah Arunachal Pradesh Parliamentary Secretaries (Appointment, Salaries, Allowances and Miscellaneous Provisions) Act, 2007 chu ram danpui kalh a nih thu an puang.
Judge te thuchhuah siam chuan nikum July 27-a Supreme Court thutlukna thlirzui chungin PIL thehluh awm chu ngaihtuah zui a ni tawh dawn lo tih an tarlang.
Pema Khandu kaihhruai BJP sorkar hian parliamentary secretary 23 an nei a ni.
Supreme Court hian Assam Parliamentary Secretaries (Appointment, Salaries, Allowances and Miscellaneous Provisions) Act laka Bimalangshu Roy an 2006-a petition a file chu hearing an neih hnuah ram danpui kalh niin an lo puang tawh a ni.