Sikkim: Gayzing street-ah health facility ṭha ngiatin an pungkhawm

Sikkim-a Geyzing street-ah Inrinni khan ṭhalai rual sang chuang, state chhung hmun hrang hrang aṭanga kalkhawmte chu district hospital-a health facility ṭha dah ngiatin an pungkhawm.

Sikkim Progressive Youth Forum, political organization chuan he nawrhna hi an huaihawt a, ṭhalai ten an thlawp ṭha hle a ni.

Geyzing district hospital-ah hian kum eng emaw zat kalta aṭang khan bungrua an nei ṭha lo hle a, kum tam tak hmasawnna hmuh tur a awm lo nia tarlan a ni a, mipuiin sorkar nawr ṭhin mah se hmasawnna hmel hmuh tur a awm lo nia tarlan a ni.

Bungrua mai bakah specialized doctor an awm loh thu tarlan a ni bawk.

Hemi a nih avang hian Sikkim Progressive Youth Forum (SPYF) chuan sorkar hnenah district hospital tihchangtlun hi ngiatin nawrh hi an huaihawt ta a ni.

Nawrh huaihawtnaah hian ṭhaṭaite hian kawng an zawh a, placard leh slogan te kenglangin an aurual bawk a ni.

An thuziak kenah chuan 'ramsa ang maiin mipui thihtir tawh suh u' tih te leh 'damdawi-in chu eiruk awm lohnaah saim tur a ni' tih thu te a tel.

Forum member Bhanu Bhakta Sharma chuan thu sawiin Chief Minister hnenah pawh an thil ngiat hi tihpuitlin a nih theihna turin kumin Febryary 4 daih tawh khan memorandum an thehluh tawh thu a sawi a, health minister hnenah pawh an thehlut bawk tih a sawi.

Gayzing hi West Sikkim-a awm a ni.