Tripura-in hna lakna turah upper age limit tisang

Tripura cabinet chuan state chhunga hna thar lakna tura kum bithliah chin a siam, upper age  limit chu kum khatin a tisang.  

Agartala-a press conference a neihah, law minister Ratan Lal Nath chuan Covid-19 hripui leng vangin competitive exam neih hun turte pawh tihkhawtlai a ni tih a sawi. Hei vang hian Tripura Public Service Commission (TPSC) leh sorkar department hrang hrang, PSU leh state government organisation hnuaia hna diltu ṭhenkhatte chu an kum a over hman dawn avangin direct recruitment bik atan chuan upper age limit hi kum khata tihsan a ni ta a ni, a ti.

He ngaihnathiamna hi catergory zawng zawng, unreserved leh reserved post-ah hman vek a ni dawn tih a sawi. Kumin December 31 thleng atan hman a ni dawn a ni.