Assam sorkarin June thla hlawh a kimin pe

Assam finance leh health minister Himanta Biswa Sarma chuan an state-a sorkar hnathawkte June thla hlawh chu a kimin pek an ni tih a sawi. 

Minister chuan hripui leng avangin sorkarin sum lamah harsatnate nei mah se, heng an harsatna tawhte sutkian tum hian theihtawp an chhuah tih a sawi. Dawhthei tak leh hrethiam taka sorkar hmalaknate an lo dawnsawn avanga lawmthu sawiin, June thla hlawh a kima an pe thei chu a lawm hle tih a sawi bawk. 

Sarma hian a hmain hri lengin ziaawm lam a pan loh a, inkharkhipna te kalpui chhunzawm zel a ngaih chuan sorkarin a hnathawkte hlawh pekna tura harsatna a nei thei dawn tih a lo sawi tawh. Mahse hemi hnu hian sorkar laipuiin a puih avangin an  harsatna ṭhenkhat chu a chhawk zangkhai thei ta a ni, a ti.