Manipur CM-in loneitu 210 hnenah Rs nuai 125.955 sem

Manipur chief minister N Biren Singh chuan Thawhlehni khan Senapati, Churachandpur, Tamenglong leh Chandel district-a loneitu 210-te bank account-ah cheng nuai 125.955 a thun sak.

Tribal Affairs and Hills department-in loneitute puala scheme pahnih an siam hnuaiah ṭanpuina sum hi pek an ni.

CM Singh chuan loneituten chemical fertilizer an hman ṭhin chu thlak vek a ṭul thu sawiin, chemical fertilizer hi natna hrang hrang thlen thei a nih thu a sawi. An state-ah organic cultivation chak zawka kalpui a ṭul thu a sawi a, hemi kawnga hma la tur hian official leh expert-te a ngen bawk.

Singh chuan official-te chu state pawn lama thawnchhuah theih tur district tin 16-a horticulture/agriculture produce pakhat khat ṭheuh enfiah turin a ti a, kar khat chhunga report thehlut turin a ti bawk a ni.