Tripura-ah CPI-M activist 8 beih an ni

Tripura-a eptu party, Communist Party of India-Marxist (CPI-M) chuan an party activist pariatte chu rorellai BJP mi leh sate Banirbazar-ah an bei a, hliam an tuar tih an sawi.

Tripura CPI-M state secretary Jitendra Chaudhury chuan party worker-te hian an programme tur sawihoa an awmkhawm laiin BJP lam hian rod leh tiang nen an bei ringawt niin an sawi a, kut tuar zinga pakhat chu GB Pant Hospital-ah enkawl mek a nih thu an sawi. Police hnenah complaint an thehlut tawh a, mahse tun thlengin pawikhawihtute hi man an la ni lo tih an sawi bawk.

Hetih lai hian police official chuan he inbeihna a thlen thu hi report awm mah se, complaint erawh thehluh a awm lo tih a sawi thung.

BJP thupuangtu Nabendu Bhattacharya chuan CPI-M activist-te beih an nih thu hi an hre lo tih sawiin, an party an puhna chu thu dik lo a ni, a ti.