Assam-Bangladesh inkarah rel leh bus tlantir dawn

Assam sorakr chuan Barwak Valley leh Bangladesh-a Sylhet district inkarah bus leh rel tlantir a tum a, ministry of external affairs (MEA) pawmpuina a nghak mek.

State sorkar hian Assam-Bangladesh inkar rel leh bus service tirna tur hian hun eng emaw chen liamtaah khan rawtna a lo thlen tawh a ni. Barak Valley leh Sylhet district inkara an tlantir tumna hi km 111 chauha thui a ni.

Assam sorkar chuan sorkar laipui hnenah Karimganj district-a international border bula Mahisasan point kaltlanga India-Bangladsh railway transit facility tihtawp pawh siam thar leh turin a ngen bawk. Mahisasan hi border railway station a ni a, km 11-a hla Karimganj nen a inthlunzawm a ni. Mahisasan-Shahbajpur kawng hi kum 1996, December thla aṭang khan hman a ni tawh lo.