Meghalaya-ah hri kai hmuh belh

Meghalaya-a Tura district-ah Armed Force mi pakhat chuan Covid-19 a kai tih hmuh thar a ni a, Bihar aṭanga kir a nih thu chief minister Conrad Sangma chuan a sawi. Hemi ni vek hian East Jaintia Hills district-ah hri kai hmuh thar pakhat a awm bawk. 

Hri kai hmuh tawh hi mi 53 an ni tawh a, an zinga 42 chu enkawl dam ni tawhin hri kai mek hi mi 10 an la awm. Mi pakhatin Covid-19 hi a thihpui tawh bawk a ni. 

Assam-ah hri kai hmuh chhuah thar mi 572 an awm a, an zinga 380 hi Guwahati-a mi an ni. Hri kai hmuh tawh hi mi 8,407 an awm tawh. Health minister Himanta Biswa Sarma chuan Guwahati khawpui bikah  pawh hri kai thar mi 380 hmuh belh anih avangin mipuite an fimkhur lehzual a ngai hle tih a sawi. Hri kai hmuh tawh zinga 5,647 chu enkawl dam ni tawhin, damdawiin aṭangin chhuah tir an ni tawh. Hetih lai hian he hri vang hian Thawhlehni khan mi pakhat a thi leh a, Covid-19 vanga thi hi mi 12 an awm tawh a ni.