NDA hruaitute hmu turin Manipur CM a zin

Manipur-a National People's Party (NPP) MLA helten BJP kaihhruai ṭangrual sorkar an thlawp chhunzawm tur thu an tihchian hnuah, chief minister N Biren Singh chu central lama National Democratic Alliance (NDA) hruaitute hmu turin Thawhlehni khan Delhi-ah a zin. 

NPP MLA-te hian an party president Conrad Sangma leh BJP hruaitu lute an kawm hnuah, sorkar thlawpna an hnuhdawh chu an sut leh. Hei vang hian Manipur-a BJP kaihhruai ṭangrual sorkar chu a din chhunzawm leh thei dawn ta a ni. Chef Minister hi Congress MLA Rajkumar Imo Singh-an a zui a, BJP national president JP Nadda leh union home minister Amit Shah-te a hmu dawn a, a ministry siksawi chungchang pawh an sawiho rin a ni bawk.