Jan 1 aṭangin Tripura-in khuahkhirhna kalpui leh dawn

Tripura sorkar chuan hri darh zel tur venna atan leh, sorkar laipuiin fimkhur tura state tinte a chah angin, January 1 aṭangin khuahkhirhna khauh zawk a kalpui leh ṭan dawn tih a puang.

Sorkar thupuangtu Sushanta Chowdhury chuan state chhung leh ram pum huapa hri leng dinhmunte thlira review meeting vawi eng emaw zat neih hnuah he thutlukna hi siam a nih thu a sawi.

"State chhunga hri leng dinhmunin ziaawm lam a pan avangin face mask vuah leh kut sil fai te, midangte hlata awmte pawh ngaihthah a ni chho leh hman tawh a ni. Heng kaihhruainate hi hri laka invenna pawimawh tak a nih bakah, invawn faina leh hriselna ṭha neihna atan pawh thil ṭul tak a ni tel a ni. Heng kaihhruainate hi kumthar aṭang chuan khuah zawkin kan kalpui leh dawn a ni," tiin Chowdhury chuan a sawi a ni.