Tripura sorkarin TMC MP programme ṭhulh tir

Tripura-a BJP sorkar chuan nimin khan Trinamool Congress national secretary leh MP, Abishek Banerjee-a'n Baramura Eco-Park-a programme a hman tur chu phalna a dil lo nia sawiin a ṭhulh tir.

BJP vice-president Dilip Ghoh chuan Abishek Banerjee-a'n Tripura tlawh lehna chhan zawtin, civil poll a zawh tawh avangin TMC tan chuan tih tur engmah a awm tawh lo, a ti. "Tripura mipuite chuan inthlan neihah khan TMC an dingchhuak dawn lo tih chiang takin an lo lantir tawh a ni," tiin Tripura lam ai chuan TMC-in sorkarna a chelh mekna, West Bengal hmasawnna chu ngaihtuah zawk turin a ti a ni.

TMC hian ram chhung state dangah huang zauh zel tumin hma a la chho reng a, Goa leh Tripura assembly inthlan neih turah pawh chuh an tum thu an sawi. Hetih lai hian Tripura-ah hian BJP leh TMC mi leh sate inkarah buaina hi a chhuak fo a ni.