Nakkumah Tripura-a Indo-Bangla border hung kim hman tum

Tripura-a India-Bangladesh inrina chu nakkumah chuan hung chhuah vek hman a ni dawn tih Border Security Force (BSF) official chuan a sawi.

BSF inspector general (Tripura Frontier) Sushanta Kumar Nath chuan Tripura-a India-Bangladesh international border, km 856-a thui zinga 80-85% chu hung a ni tawh tih a sawi. "Nikum khan eastern sector lam hung a ni a, km 31-a thui hung a ni. Hei bakah hian western sector lamah km 10-a thui hung a ni bawk," a ti. Ramri hung hna thawh rual hian floodlight pawh vuah a ni tih a sawi bawk.

"Nakkumah chuan ramri hi hung chhuah vek hman a, floodlight pawh dah vek hman kan tum a ni," a ti.

Tripura-a hel laka beihpui thlaknaah pawh BSF chuan hlawtlinna ṭha tak a nei tih sawiin, kum 2017 aṭang khan BSF kutah NLFT hel 31 an inpe tawh tih a sawi. Nikum chhung khan dan loa international kaltlang tum mi 218 an man a, dan phalloh thil Rs vaibelchhe 35.64 hu an man tih Nath chuan a sawi bawk.