Tripura indegenous party-ten NRC kalpui ve duh

Indigenous Nationalist Party of Twipra (INPT) leader Bijoy Kumar Hrangkhawl chuan NRC update chu Assam chauh ni lo, hmarchhakah leh rampumah kalpui ṭul a tih thu sawiin an party INPT chuan Tripura-ah pawh kalpui ni ve ngei se an duh thu a sawi.

Hrangkhawl chuan hun hmasa lama tih daih tawh tur thil chu Supreme Court hmalaknain a tawpah tih a ni ta tih a sawi bawk.

Indigenous Peoples Front of Tripura (IPFT) president Narendra Chandra Debbarma pawhin NRC kalpui chu an party chuan an pawm thlap thu a sawi a, Hrangkhawl ang bawkin Assam leh hmarchhakah mai ni lo, India rampumah kalpui theih nise ṭha a tih thu a sawi.

Hetihlai hian Tripura Congress chuan NRC chu Divide and Rule policy BJP in a kalpuina a nih thu an sawi ve thung.

Congress hruaitu Tapas Dey chuan NRC chu BJP in Assamese leh Bengali a ṭhenhranna hmanrua bak a nih loh thu sawiin na taka an dodal thu a sawi. Mi nuai 40 lai telh loh an nih avangin dan loa Tripura-a mi tam tak an luhna chance a tam tih a sawi bawk.