Mamata Banerjee thukhawchang

West Bengal Chief Minister Mamata Banerjee hi NRC dodaltu langsar ber zinga mi a ni a, Thawhṭanni-a NRC draft list tihchhuah a nih hnu lawkah pawh khan Assam-a Bengali cheng te chu tum bik an nih thu a sawi leh a, tharum hmanga Bengali mi te umchhuahna tur a ni em? tiin zawhna a zawt let a ni.

Banerjee-i chuan Aadhar card leh passport nei te pawh list-a tel lo an awm ṭeuh thu a sawi a, an chhungkaw hming (surname) vang ringawta telh loh te pawh an awm tih a sawi. Mi tam tak chu ramdang mi tia chhal an nih thu sawiin, nu leh naupang tam tak list-ah hian telh an nih lo tih a sawi bawk. Bengali, Bihari, Hindu leh Muslim mi tam tak, India mi dik tak te an tel loh thu a sawi a, a ngaihtuah takzet thu a sawi bawk a ni.