Tripura CM-in an party MLA pakhat 'land mafia' tiin sawi

Tripura chief minister Biplab Kumar Deb chuan an party, BJP MLA Ashis Kumar Saha chu 'land mafia' tia sawiin, jail-a khung tlak a ni, a ti.

CM Deb chuan, "Thil dik lo leh dan kalha thiltih, mi ram laksaahte politics hi inphenna leh inhumna atana hman tumte chu an inchhanhim thei dawn chuang lo tih ka sawi duh a ni. Dan ang takin hma lak a ni zel dawn a, tumah dimdawi an ni lo ang," tiin a sawi.

Hetih lai hian Saha chuan a puhna hi thu dik lo nia sawiin, chhui chiang turin CM hi a cho let thung.

CM Deb-a'n thuchhuah a siam hma hian, Agartala Municipal Corporation (AMC) chuan Saha hminga kum 30 chuang awm tawh, Ujjayanta palace hmaa building pakhat chu sorkar rama ni tih sawiin an tichhiat tir tih AMC mayor Dipak Majumder chuan a sawi.