BJP youth wing in Mamata Banerjee lakah FIR thehlut

BJP Youth Wing chuan West Bengal Chief Minister Mamata Banerjee lakah FIR thehlutin NRC chungchanga a thusawiin inhuatna leh buaina a chawk­chhuak niin an puh.

Catholic Bishops’ Conference of India con­clave ‘Love Your Neigh­bour’-a thu a sawinaaah Banerjee-i hian, "Kum 100, 200, 300 lo awm tawh mipuite chu in hnawtchhuak thei lo ang, India mi ramdang mia an chang ta mai hi a mak ka ti a ni, President hlui Fakhruddin Ali Ahmed-a thlahte ngei NRC list-a an tel lo hian mi barakhaih hle a ni", a ti.

NRC list-ah hian Ahmed-a tute leh a chhung leh khatte an tel lo niin Ahmed-a tute zinga mi Ziauddin Ali Ahmed chuan a sawi.

Banerjee hian NRC hian civil war a chawh­chhuah a hlauh thu leh thisen a luantir thei tih te pawh a lo sawi fo tawh a, NRC dodaltu langsar ber zinga mi a ni.

BJP ṭhalai pawl Bha­ratiya Janata Yuva Morcha chuan Upper Assam Dibrugarh district-a Naharkatia police station-ah Banerjee-i lakah hian FIR hi an thehlut ta a ni.

BJP President Amit Shah pawhin West Bengal Chief Minister chu eng ang civil war nge a sawi tih a zawt a, Mamata-i chuan vote bak a zawng lo niin a sawi.