PM-in Manipur leh Tripura-ah project hrang hrang hawng

Prime minister Narendra Modi chuan Thawhlehni khan Manipur leh Tripura state a tlawh a, hmasawnna hna thawhna tur project hrang hrang a hawng.

Manipur
PM Modi hian Manipur-ah developmental project 13, cheng vaibelchhe 1,858 hu a hawn bakah, cheng vaibelchhe 2,957 infrastructure project pakua lungphum a phum nghal bawk.

Manipur-a project a hawnte hi road infrastructure, urban development, drinking water supply, health, housing, skill development, information technology leh art and culture-te a nih thu official-te chuan an sawi.

DRDO nena thawkduna state sorkarin a siam, Imphal-a Kiyamgei-a khum 200 awmna hospital, Rs vcb 37 senga siam chu PM Modi hian a hawng a, hei bakah PPP basis-a Rs vbc 160 senga Jawarhalal Nehru Institute of Medical Science-a khum 150 awmna, cancer hospital sakna tur lungphum pawh a phum nghal bawk.

Tripura
Prime Minister hian Tripura-ah Maharaja Bir Bikram (MBB) airport terminal building thar a hawng bawk a, welfare scheme hrang hrang a tlangzarh bawk a ni.

Terminal building thar hi cheng vaibelchhe 3,400 senga sak niin, check-in counter 20 a awm a, parking bay paruk, passenger boarding bride pali leh facilty dangte a awm. PM hi union civil aviation minister Jyotiradiya Scindia-a'n a ṭawiawm a ni.

Thingtlang khaw hrang hrang tihhmasawnna atana panchayat-te hnena fund pekna tur, Mukhya Mantir Gram Samriddhi Yojana (MMGSY) leh state chhunga zirna tihmasawnna tur, Project Mission 100 of Vidyajyoti School chu Prime Minister hian a hawng nghal bawk. Project Mission 100 hian nursery - Class XII zirlai nuai 1.2 te a huam thei dawn a, hemi atan hian kum thum chhung atan cheng vaibelchhe 500 vel ruahman a ni.