India rama hmeichhe hnathawk tam lamah Mizoram sang ber, Nagaland in dawt

India rama hmeichhe hnathawk tam (highest female employment rate) tihchhuah thar berah hmarchhak state-te chu an sang hlawm hle a, Mizoram chu a sang berah awmin, Nagaland in an dawt.

Union ministry of labour and employment in list a tihchhuah thar berah Mizoram-a state workforce zinga 59% chu hmeichhia an nih thu tarlan a ni a, hetihlai hian Jammu & Kashmir chu hniam berin 7.9% chiah an ni thung.

Top five-ah hian Nagaland, Meghalaya leh Arunachal Pradesh-te pawh an lang phak a, anni bakah hian Top 10-ah Sikkim, Manipur leh Tripura-te pawh an lang a ni.

National Sample Survey Office (NSSO) in labour force survey a neihah hian 2015-16 chhung han hmeichhia kum 15 chunglam hnathawk zat hian worker population ratio-ah 25.8% a tling tih hmuchhuah a ni bawk.

Top 10 List te:-

1. Mizoram: 59%

2. Nagaland: 55.9%

3. Chhattisgarh: 54.2%

4. Arunachal

Pradesh: 51.6%

5. Meghalaya: 49.9%

6. Jharkhand: 48.2%

7. Sikkim: 48.2%

8. Andhra Pradesh: 47%

9. Manipur: 46.4%

10. Tripura: 45.3%