NDPP MLA ten an thlakhat hlawh 'fund drive' atan pe dawn

Nagaland-a sorkarna siam mek Nationalist Democratic Progressive Party (NDPP)-te chuan Inrinni khan resolution siamin state pum huap fund drive an nei dawn a, an party hruaitu zawng zawng chuan sum an donate vek dawn.

Fund drive an neih tur hi Chief Minister’s Relief Fund leh relief and rehabilitation fund, mi harsa zawkte ṭanpuina leh chhawmdawlna tur a ni.

NDPP Central Executive Board in Inrinni-a emergency meeting an neihah resolution hi siam a ni a, an party MLA zawng zawng bakah Chief Minister Neiphiu Rio pawh he hunah hian a tel.

Resolution an siamah chuan NDPP MLA zawng zawng bakah NDPP member sorkar hnuaia hnathawk awm zawng zawng te chuan Chief Minister’s Relief Fund-ah an thlakhat hlawh an donate ṭheuh dawn a ni.

Hemi bakah hian NDPP chuan state sorkar leh sorkar agency dang zawng zawng te chu chhiatna thlenga an hnathawh danah fakawm an tih thu thuchhuah an siam bawk. Tunhnaia ruahsur nasa in chhiatna hrang hrang a thlen avanga nunna chan ta te chhungte an tawrhpui thu an sawi bawk.

NDPP chuan mipuite pawh CM Relief Fund-ah hian an theih ang tawk pe ve turin an ngen a, Naga mipuite chu harsatna hrang hrang thleng karah pawh an inpuih tawn zel a hun tawh hle tih an sawi bawk a ni.