NESO & AASU-ten Hmarchhak pumpuiah NRC kalpui duh

All Assam Students Union (AASU) chuan Pathianni khan thuchhuah siamin political party-te hnenah National Register of Citizens (NRC) chu politicise lo turin leh commu­nalize lo turin an hriattir.

North East Students Orga­nisation (NESO) pawhin hmar­chhak pumpuiah NRC kalpui an duh thu an sawi ve bawk a, hemi hmang hian ram khua leh tui dik tak te an hriattheih dawn tih an sawi.

AASU Chairman Samujjal Bhatacharya chuan politician te chu NRC chu politics nena inzawm tir lo turin a hriattir a, NESO Chairman Samuel Jyrwa chuan hmarchhak pumah NRC kalpui tura an duh thu sawichhuakin hemi kawnga nawrna a awm reng thu a sawi ve bawk.

Bhatacharya chuan poli­tician ṭhenkhat chuan NRC chu politics nen sawikawp an tum thu sawiin, sawizawm lo turin a vau zui nghal a, NRC chu buaina tam tak chinfelna a nih thu a sawi.

West Bengal Chief Minister Mamta Banerjee thusawi chhangletin, Bhatacharya chuan West Bengal CM chetdan te pawh an hmuh tawh thu a sawi a, hruaitu dang leh parliament bakah India ram hruaitute chuan hmarchhak hi dan loa Bangladesh mi luhkhawmna hmun tur a ni lo tih hre rawh se, a ti.

NESO chairman Samuel Jyrwa chuan NRC chu dan loa ramdang mi lo lutte chhuahtirna hmanraw ṭha ber a nih thu sawiin hmarchhak pumpuia kalpui chu thil ṭul tak a ni tih a sawi.