Tripura Speaker-in BJP MLA Das a ban

Tripura Assembly speaker Ratan Chakraborty chuan Nilaini khan BJP MLA, nikum October 31-a Trinamool Congres zawmtu Ashis Das chu anti-defection law (the Tenth Schedule of the Constitution) hnuaiah MLA a nihna aṭangin a ban.

Speaker chuan BJP chief whip Kalyani Roy-a petition thehluh leh, paper leh docoument-te uluk taka an zir chian hnuah Tenth schedule hnuaiah MLA hi disqualify theih a ni tih a sawi. State assembly secretariat aṭanga lehkha a dawnte pawh Das hian engmah a chhang let lo tih sawiin, MLA aṭanga disqualify a nih tak avangin facility, allowance leh pension-te pawh a dawng thei lo tih a sawi bawk.

Ashis Das hian Tripura-a BJP rorel dan chu British awpna hnuaia awm lai ai pawhin a ṭha lo zawk tih a sawi a, BJP sorkar hnuaiah Tripura mipuite chuan an tuar nasa hle tih a sawi.