Tripura-ah hri kai enkawl dam mi 123 chhuahtir

Tripura chief minister Biplab Kumar Deb chuan Thawhlehni zan khan an state0ah Covid-19 positive paruk hmuh belh an ni tih a sawi. 

Chief minister chuan sample 1,023 endik zinga parukin hri hi an kai tih hriat a nih thu leh, an vai hian Sepahijala district mi, hmun danga zin chhuahna nei vek an ni tih a sawi bawk. 

Hetih lai hian hri kai enkawl mek zinga 123-te chu test nawn leh an nih  hnuah an result a negative tawh a,  hei vang hian nimin khan damdawiin aṭangin chhuahtir an ni. 

Hri kai enkawl damte hi Agartala Govern-ment Medical College (AGMC)-a enkawl mi 64 leh Hapania Covid19 Care Centre-a enkawl mi 59 te an ni.