Nagaland-ah positive pahnih hmuh belh

Nagaland-ah nimin khan sample 314 endik zingah pahnihin Covid-19 an kai tih hmuh chhuah belh a ni a, hri kai hmuh hi mi 181 an awm tawh a ni. 

Health minister S Pangnyu Phom chuan hri kai hmuh tharte hi Dimapur leh Tuensang quarantine centre-a mi an ni tih a sawi. 

Nagaland-a hri kai hmuh tawh zinga 103 chu enkawl dam an ni tawh a, enkawl mek mi 78 an la awm. Recovery rate hi 57% a ni tawh a ni. 

Principal secretary (Home) Abhijit Sinha chuan hri kai mekte chu Covid-19 hospital-ah enkawl mek an ni tih sawiin, an vai hian taksaa natna langchhuak lo, asymptomatic vek an ni, a ti. 

Nagaland-a Covid-19 kai hmuh tawh zinga a tam ber chu kum 18-44 inkar niin mi 169 an awm a ni.