Sikkim-ah Covid-19 kai vangin fa inenkawl thleng

Sikkim-a nu pahnih chuan Covid-19 vangin an fate an inenkawl thleng. 

Nausen thla 27 miin Covid-19 a kai tih hriat chhuah a ni a, mahse a nu erawh chuan hri hi a kai ve lo thung. Hei vang hian STNM Hospital-a doctor-te chuan hospital-a nu pakhat, Covid-19 kai hnenah nausen hi enkawl turin an dah a ni. Covid-19 kai nu hian fa kum ruk mi a nei a, mahse a fa hian a kai lo thung. 

Nausen thla 27 mi nu hnenah he naupang hi a fa leh naupang nu damdawiina an awm chhunga lo enkawl turin dah a ni ve thung a ni. 

Official-te chuan naupang kum ruk mi hi a nu bakah a chhungte dang pawhin Covid-19 an kai tih hmuh chhuah a ni a, chhungte enkawltu tur a nei lo tih an sawi. Mahse nausen nu hian hri hi a kai lo tih an hriat hnuah, nu pahnihte hian an fate inenkawl thleng rih hi an remti ta tih an sawi. 

Covid-19 kai nu leh  nausen hi damdawiina isolation ward-ah an awm a, naupang kum ruk leh nausen nu hi Gangtok-a quarantine centre-ah dah an ni tih official-te chuan an sawi.