Sorkar laipuiin hmarchhak state 6 tan PDRD Grant Rs vbc 1,773.99 a pe chhuak

Sorkar laipui chuan hmarchhak state paruk - Assam, Manipur, Meghalaya, Mizoram, Nagaland leh Tripura-te tan January thla atana Post Devolution Revenue Deficit (PDRD) grant, cheng vaibelchhe 1,773.99 a pe chhuak.

Sorkar laipuiin grant a pekchhuak hi installment 10-na niin, financial year 2021-22 chhungin Rs vbc 3,788.33 a pe chhuak tawh a ni.

Post Devolution Revenue Deficit Grants hi Constitution-a Article 275 hnuaiah state-te hnenah hian pek chhuah ṭhin an ni. Finance Commission chuan financial year kal mekah state 17 tan PDRD grant pe tura rawtna a siam a, thla tinin pek ṭhin an ni. State 17 tan hian financial year 2021-22 chhung atan Rs vbc 1,18,452 pek tura tih a ni a, hemi aṭang hian 83.33%, Rs vbc 98,710 chu pek chhuah a ni tawh.

15th Finance Commission-in PDRD Grants dawng tura a thlante hi - Andhra Pradesh, Assam, Haryana, Himachal Pradesh, Karnataka, Kerala, Manipur, Meghalaya, Mizoram, Nagaland, Punjab, Rajasthan, Sikkim, Tamil Nadu, Tripura, Uttarakhand leh West Bengal-te an ni.