Nagaland Governor in CM Relief Fund-ah chenge nuai khat pe

Nagaland Governor P B Acharya chuan ruahsur nasa avanga leimin leh tuilian tuarte ṭanpuina tur, Chief Ministers Relief Fund atan a hlawh aṭangin cheng nuai khat a pe dawn tih a sawi.

Raj Bhavan thuchhuah siamah Governor chuan state mipuite chu CM relief fund atana an sum neih ang ang pe phal turin a ngen nghal bawk.

Mipuite chu an state in harsatna a tawh mekah awm mai mai lo tura ngenin, har­­satna tawkte ṭanpuina kawnga hma la ve turin a ngen.

Governor Acharya hian Assam Rifle kaltlangin Kiphire district-ah hian buhfai, dal, tel, chini, bawnghnute leh thingpui te thawnluh a nih dan tur a lo buaipui tawh bawk a ni.

Mamawh hrang hrangte hi District thuneitute chuan Pathianni khan an dawng tawh a, Governor in hma a lakpui avanga an lawm thu pawh an sawi tawh nghe nghe a ni.