Meghalaya: 2019 ADC poll-ah UDP, HSPDP-ten seat inṭawm tum

Meghalaya-a nak­kuma Khasi Hills Auto­nomous District Council (KHADC) election neih turah UDP leh HSPDP-te chuan seat inṭawm an tum.

UDP general secretary, Jemino Mawthoh chuan Thawhlehni khan Central Executive Committee (CEC)-ah party pahnih te chu an ṭanrual dawn chiah loh thu a sawi a, mahse inhriatthiam tawnna neia seat inṭawm erawh an tum thu a sawi.

Mawthoh chuan UDP working president Paul Lyngdoh kaihhruaina hnuaiah pawh thawhho dan tur rel turin sub-committee pawh an din tawh tih sawiin heng committee te hian seat inṭawm dan tur pawh an ngaihtuah dawn tih a sawi bawk.

Mawthoh chuan party pahnih tan chuan seat inṭawm chu thil awlsam tak a nih loh thu a sawi a, tum hrang nei te an nih thu leh ngaihdan hrang nei an ni a, ṭha taka thawhho chu thil awlsam tak a nih dawn loh thu a sawi a ni.