Assam sorkar leh NDDB-in MoU ziak

Assam sorkar leh National Dairy Development Board (NDDB) chuan kar liam ta Zirtawpni khan thawhdunna tur Memorandum of Understanding (MoU) an ziak.

State sorkar leh NDDB hian Rs vbc 2,000 hu thawhdunna tur siamin, kum sarih chhungin bawnghnute sawngbawlna hmun siam thar aṭangin bawnghnute litre nuai 10 vel sawngbawl hman an tum a ni.

Assam chief minister Himanta Biswa Sarma chuan an thawhdunna hian state chhunga dairy sector tan hmasawnna nasa tak a thlen dawn a, thingtlang lam tan hna thawh tur tam tak siamin, an sm lakluh thlengin a pui thei dawn a ni, a ti. He thawhdunna hi Assam-a bawng vulhtu maktaduai 1.75 chuangin an hlawkpui ngei a beisei thu a sawi bawk.

MoU an siam hnuaiah, bawngchaw siamna leh oganic manure manufacturing unit pahnih din a ni dawn a, state pawn lam aṭangin bawng chi ṭha chi lakluh a nih bakah artificial insemination pawh kalpui a ni bawk ang.

Purabi Dairy project tihlenna lungphum pawh phum a ni a, he unit aṭang hian ni khata bawnghnute litre 60,000 siam chhuah ṭhin chu litre 1,50,000-ah tihpun tum a ni bawk.