BJP President-in Tripura zin tur a ṭhulh

Bharatiya Janata Party (BJP) national president JP Nadda-a'n vawiina Tripura tlawh a tum chu ram chhunga Covid-19 hri a len thar leh avangin a ṭhulh.

JP Nadda hi naktuka BJP working committee meeting-a tel tura kal tum a ni a, mahse ram chhungah hri kai an pun thar leh avang te, Omicron variant kai hmuh belh an nih zel avang tein a zin tur hi a ṭhulh a ni. BJP Tripura thupuangtu Nabendu Bhattacharya chuan thuchhuah siamin, Tripura state chu la him viau mah se, central lama an party hruaitute nen ram chhung dinhmunte an sawiho hnuah party President zin tur hi ṭhulh a ni ta a ni, a ti.

Bhattacharya chuan state chhunga an party-in political activity an neih tum hrang hrangte pawh ni 15 chhung atan an ṭhulh nghal tih a sawi a, mahse social activity erawh an chhunzawm zel dawn tih a sawi.