Manipur: India-Myanmar border kawngpui hawng

India leh Myanmar inlaichinna tihṭhat na tura hmalakna pawimawh tak pakhat atan Nilaini khan Tamu- Moreh Border, Manipur leh Sagaing Division inkar kawngpui leh Rihkhawdar-Zokhawthar border, Mizoram leh Chin State inkar kawngpui chu official-a hawn a ni.

Myanmar-a Indian Ambassador, Vikram Misri chuan August 8 chu ni chhinchhiah tlak tak a nih thu sawiin, India leh Myamar inlaichinna kawnga ni pawimawh tak a nih thu a sawi. Hemi zing hian Tamu- Moreh Border, Manipur leh Sagaing Division inkar kawngpui leh Rihkhawdar-Zokhawthar border, Mizoram leh Chin State inkar kawngpui hmanna tur atana hmun pawimawh tak international entry-exit checkpoint-te chu offical taka hawn a ni ta tih a sawi.

Vikram Misri chuan tunah chuan mipuite chuan India leh Myanmar-te chu passport leh visa hmangin an inkalpawh thei tawh dawn tih a sawi a, hei hian ram pahnihah inlaichinna ṭha a thlen dawn a ni, a ti bawk.