Union Minister-in Tripiura-ah B.Ed College thar pali din tiam

Tripura chief minister Biplar Kumar Deb chuan Nilaini khan Union minister of Human Resource Deve­lopment (HRD) Prakash Javadekar hmuin, an state chhunga education system chungchang a sawipui. Meeting-ah hian Javadekar chuan Tripura-ah B.Ed College thar pali din thuai a nih tur thu a lo hrilh a ni.

HRD Minister chuan North Tripura district-a Dharmanagar-ah leh Gomati district-a Udaipur-ah academic session lo awm leh turah chuan Kendriya Vidyalayas pahnih din a ni dawn tih Chief Minister hnenah hian a hrilh.

Tunhnai lawka Chief Minister Biplab Kumar Deb kaihhruaina hnuaia Education Department meeting neiah chuan sorkar laipuiin Jawahar Navodaya Vidyalayas thar pahnih dinna tur a sanction chung chang sawiho a lo ni tawh bawk. He meeting-ah hian zirtirtu ten training, degree leh research facility an neih theihna tur, West Tripura district-a Mohanpur subdivision-a Regional Institute of Education (RIE) din an lo titlu tawh bawk.