Assam-in hri kaite home isolation uar turin chah

Assam health department chuan district thuneitute hnenah Covid-19 hri kaite chu in lama inenkawl, home isolation uar tura chah turin a ti.

Hri leng thawh hnihna an tawrh lai khan state thuneitute chuan hri kaite chu Covid care centre emaw, damdawi-inah emaw inenkawl turin a lo chah tawh a, mahse tun ṭuma hri leng thawh thumna thlengah hri kai pung nasa mah se a tam zawk chu an la na lo a, hei vang hian home isolation uar zawk turin a chah thung a ni.

National Health Mission, Assam-a director Dr Lakhsmanan S chuan hri kai tam zawk hi in lamah inenkawl an nih thu sawiin, hospital-te chu hri kai dam lo na zual zawkte tana dah an tum tih a sawi.

Home isolation-a awmte dinhmun enfiah ṭhin turin sorkar chuan team tam tak a siam a ni. Home isolation-a awmte hi hri an kai tih hriatchhuah an nih aṭangin, ni thum chhung a zawna khawsik an nei tawh lo a nih chuan test nawn tawh loin ni sarih hnuah negative anga ngaih an ni ang, mahse hemi hnu hian ni sarih dang home quarantine chhunzawm an ni dawn a ni.